مش بيقولك او مش بتقولك كلام حلو يبين حبها او حبه ليك ادخل بسرعه شوف الحل

زيكوا ياجماعة واحشنى مووووووووت يا اجمل اعضاء
انا وعدت حبيبة قلبى دماغه عالية انى اعملها موضوع عن اللى انت بتعمله كل حاجة بس هو من النوع اللى بيتكسف برده او طور الله فى برسيمه ههههههههه زى ماهى قالت
هاعمل زى المرة اللى فاتت هاتكلم للبنات والشباب بس المرادى هابدا بالبناتيت بقى هههههههه
بصو بقى يابنات بتحبوه وعارفه انه بيحبك بس المشكلة انه مش بيعرف يعبرلك عن حبه ده صح؟
اوك تعالوا نشوف المشكلة دى مع بعض ونحاول نحلها
بصى بقى ياقمر هى فعلا مشكلة صعبة للبنات اكتر من الشباب اصل الكسوف طبيعة فى البنت انما فى الشاب ده مش هننكر اوقات بيشل البنات لان البنت دايما بتبقى محتاجة لكلمه حلوة ودى المشكلة اللى كتير من الشباب بينسوها
بصى بقى ياستى اولا لقيتيه قاعد ساكت قاعدة معاه عمال يتكلم معاكى فى الكورة مش تبينى انك زهقانة من كلامه حتى لو انتى مش بتطيقى سيرة الكورة اعملى نفسك مبسوطة بكلامه وزى ماقلتلك قبل كده حاولى تحبى الكورة طلاما هو بيحبها المهم لقيتيه عمال يتكلم فى حاجات مالهاش علاقة باللى بيربطكوا ببعض مش تتكسفى انتى كمان قوليله بعد مايكون خلص كلامه خاااااااالص على الموضوع ده
قوليله حبيبى هو انت بتحبنى ولا لا؟
اهه كده يعنى هيبدا ينطق
هيقولك طبعا اه
قوليله طيب انت ايه اللى بتحبه فيه
اكيد هيقعد يقولك ايه اللى بيحبه فيكى لو لقيتيه برده مش عارف يتكلم قوليله خلاص انا هاقلك ايه اللى بيدايقنى فيك واللى بحبه فيك
واول ماتبداى ابداى بالحاجات اللى بتحبيها فيه وبعدين اقلبى على الحاجات اللى بتدايقك منه قوليله بقى على موضوع انه مش بيحسسك بحبه قوليله اى بنت بتبقى محتاجة اللى بتحبه يكلمها علشان عمرها ماتشك فى حبه لو انتى كمان اتكسفتى ومش قلتيله يبقى انتوا الاتنين مش هينفع النظام ده معاكوا لان لازم تكونوا صريحين مع بعض وانتى مش بتقوليله حاجة عيب او غلط انتى كانك بتناقشى معاه مشكلة بينكم وده مش عيب
دى فكرة الفكرة التانية بقى
الفكرة التانية لو تعرفى حد يعرفه قريبته مثلا او اى حد يعرفه يعنى مش فى مانع يتوسط بينكم بطريقة كانك انتى مثلا كنتى بتحكيلها بتقوليلها على الموضوع ده بينك وبينها وهى يعينى صعبتى عليها هههههههه فمن غير ماتعرفى طبعا جت كلمته علشان بس هى خايفة عليكوا طبعا
انتوا عارفين المشكلة ان الموضوع صعب فعلا على البنات علشان كده مش لاقيه افكار كتير اقولها بس متهيقلى كمان الموبايل بينفع فى الحالات اللى زى دى برده اللى انتى مش قادرة تقوليهوله فى وشه قوليهوله فى ماسدج
ابعتيله وحشتك؟
بتحبنى؟
بتفكر فيه زى مابفكر فيك؟
لو قالك اه على كل الاسئلة دى قوليله هو انا لازم اسالك علشان تقولى الكلام ده خلاص وعد منى ياحبيبى هاسالك كل يوم طلاما هاسمع الكلام الحلو ده منك بالطريقة دى
دى برده كانك بتقوليله الموضوع اللى بتتدايقى منه بس مش بطريقة مباشرة
لو بيقعد ساكت بقى خااااااااالص مش بيفتح بقه ومستنيكى انتى اللى تفتحى معاه اى موضوع مش تزهقى افتحى مرة اتنين تلاتة وخلاص اقعدى ساكته انتى كمان لغاية ماهو بقى اللى يفتح فتح موضوع اضحكى كانك بتهزرى معاه قوليله كنت مستنياك تفتح موضوع
بجد مش لاقيه حاجة تانية للبنات بس لو لقيت حاجة تانية تابعوا الردود وانا وعد لو افتكرت حاجة تانية هاكتبها فى الردود
نيجى للشباب بقى بص الكسوف طبيعة فى البنت حاجة اساسية والبنت اللى مش بتتكسف دى مش تبقى بنت اساسا
انما فى بنات بيبقى الموضوع ده عندها زيادة شوية بتتكسف من خيالها يعنى نشوف مع بعض كده تعمل معاها ايه وانت كمان حلك بسيط ابسط من البنات كتيييييير فحظك من السما يعنى هههههههه
ركز معايا بقى
اول حاجة انت لازم تحسسها بحبك دى اول حاجة اساسية صدقنى لما تحس بكده مش هتاخد كل المشاعر الحلوة دى ومش تديك زيها بالعكس البنت لما الشاب بيقولها بحبك بيبقى نفسها تقولى 500 مرة بحبك لما بيقولها وحشتينى بتبقى نفسها تقوله وانت وحشتنى موووووووووت موووووووت مووووووووت ولو هتقعد تقولها سنة مش هتزهق بس الاساس انت فزى ماقلتلك حسسها بحبك وبعدين انت بالذات لو لقيتها مش بتقولك رغم كل اللى انت بتعمله ده اى حاجة تدل على حبها وانا مجربه الموضوع ده قولها انا شاكك انك بتحبينى اصلا هتقلك ليه قولها ماعرفش شوفى انتى بقى وهى هتحاول تثبتلك باى طريقة لو بتحبك انها بتموت فيك مش بتحبك
لو لقيت ده كله مش نافع معاها كلمها بصراحة بس من غير ماتتنرفز او تتعصب كلمها بهدؤ كل اللى يبان عليك انك متدايق شوية من الموضوع ده مش اكتر
ومعلش ياجماعة سامحونى لو مش عرفت اكتبلكوا نصايح كتير المرادى بس معلش الموضوع صعب اوى انى الاقيله كلام فياريت تكتبولى بقى ردودكم تقولوا رايكوا فى الكلام ده بصراحة ولو كان صح او غلط
سلاااااااااام يا اجمل اعضاااااااء
__________________